Bertsotan emana kontakizun bihurtu

Hona beste bertso batzuk, Pernandoren pasadizoak kontatzen dizkigutenak. Irakurri bertso atsegin hauek eta idatzi zeure erara.

Neure burua errekara botatzera noa

1) Fernando zanak arrats batian

    ardo-puska bat eran du,

    orma galanta ari zubela

    etxera juan zan berandu;

    ordu ta erdiyan atal onduan

    etzan gustora egondu;

    parragarrizko kontuak dira

    ondo esango bagendu.

2) Emazteari uju egin ziyon:

    "Ez al zerade kupitzen?

    Gizonik ezta atal onduan

    modu ontan edukitzen!

    Nere burua galtzera nua

    ezpanazu irikitzen!"

    Oiek guziyak adituta ere

    andria etzan jaikitzen.

3) Fernandok, bere koleran juanda,

    altxatu zuben arriya,

    putzura bota ta egin zuben

    soñu bat izugarriya;

    kamis utsian atsua juan zan,

    aren orduko larriya!

    Aizkenerako ikusi zuben

    berak istillu gorriya.

4) Putzura arriya botatzeakin

    emaztia engañatu,

    epel samarra bazegon ere

    ederki ziyon freskatu;

    parajerikan onena nun zan

    gizonak zuan billatu:

    andre gaxua kanpoan utzita

    Fernando barrenan sartu.