Apustu ez dakigula denok bi izotzok bereizten, zuria eta beltza, izotz-mota
bi baitira!
Halaxe da. Neguko gau oso hotzetan lurraren eta landareen gainean eratzen
den izotz-geruzari esaten zaio izotz zuria. Eta haren aipu eginez
esan ohi ditugu: "izotza ari du", "bart izotza egin du", "izotzak ihartu
du arbola", etab.
Beraz, batez ere negu-partean, gaueko hori izotz zuria. Eta beltza?
Izotz beltza ere hotz ikaragarria egiten duenean izan ohi dugu,
baina honi ez zaio bestearen zuritasunik ikusten, eta antzeman ere ez
da antzematen izotzik; baina putzuak-eta izoztuta daudela ikustean ohar
gintezke izotz beltzaz.
Alegia, ikusten ez den arren, bereziki irristakor eta labainkor gertatzen
den izotz hori genuke izotz beltza.
Bada, bai; errepidean-eta guztiz arriskugarri izan ohi den izotz hori,
izotz beltza.
