Albistegietan eta, sarritan entzun ohi dugun hala moduzko esamolde bat
aipagarri gaur. Behin baino gehiagotan entzuna izango dugu, errepideetako
berri ematerakoan, bereziki: "bi pertsona zaurituak gertatu dira, eta
eskualdeko ospitalera eraman dituzte".
Arrunta da, bai, oso "zaurituak gertatu dira" esamoldea, oso belarri
ertzean baitaukagu gaztelaniazko "dos personas han resultado heridas".
Baina, jakina, euskarak, askotan, bere legeak, eta oraingo honetan ere
bai! Euskaraz aski da "zauritu dira" esatea, "pertsona bat hil, eta
beste bi zauritu dira". Ez dago, inola ere, esan beharrik "bi
lagun zaurituak gertatu edo suertatu dira",
baizik eta, besterik gabe, "bi
pertsona zauritu dira".
