Nor ez da saiatu izan inoiz edo behin kirolari bati animoak ematen edo
jokalari bat adoretzen. Edozein partida edo dena delako probatan, beti
egon ohi gara norbaiten alde eta harixe laguntzeko prest. Baina, nola
agertu gure gogo hori? Horratx gaurko ariketa.
Ez, noski, "eman
kaña" esanez. Hor konpon "dale
caña"-ren aldekoak.
Baditugulako gertuagoko esamoldeak, ezta?
Eta ez bat eta bi bakarrik! Jokoa edo proba irabazte aldera, norbait
kuraiatsu saiatu dadin nahi dugunerako esaldi aproposak dira "aupa!",
"heldu!",
"eutsi gogor!",
"ez etsi!"
eta, emakumezkoa bada, gaurko ariketaren izenburuko esaera: "eman,
neska!".
