Mutil koskorrak kaian: "amuan
pikatu du"; edo hori baino seguruago:
"ez dute pikatzen".
Ea nola edo nondik heltzen diogun gaurko gure "amuari"!
Horretantxe lanak! Edonork pentsa dezakeen bezala, euskaraz ez da zuzena
"amuan pikatu du" esatea. Horren aldean askoz ere egokiagoa da "amuari
heldu dio" edo "arraina
amuan lotu da" esatea.
Eta beste horrenbeste esango al genuke "amuan erori" esapideari buruz?
Bada, bai! "Amuan
erori da" esatea baino askoz ere esapide
txukunagoa da euskaraz "amua
irentsi du" esatea.
Beraz, ariketara etorrita, "legatzak
amuan pikatu du" esan ordez?
"Legatzak
amuari heldu dio" edo "legatza
amuan lotu da".
Beraz —txantxetan esango dizut—, ariketa honekin uste al duzu
"amuan
erori" garela?
"Amuan erori" ez, "amua
irentsi" egin dugula pentsatu nahi dut.
