Hona hemen -tz eta -ts hizkiak ondo bereizteko ariketa bat. Zer da "ametza"
eta zer da "ametsa"?
Bata zuhaitza eta bestea nolabaiteko irudipen bat. Lehenengoari dagokionez,
"ametza" haritzaren antzeko zuhaitz bat dugu; latinez "quercus
pyrenaica" deritzana, eta gaztelaniaz "rebollo" edo "quejigo".
Eta "ametsa"?
"Ametsa", berriz, lotan-edo, nahiz eta esna ere bai batzuetan,
baina, batez ere, lo gaudenean sortzen zaigun nolabaiteko irudi edo
irudipen hori.
Beraz, zuhaitz batzuk ametz, eta gutako
batzuk amets!
