Batzar, batzarre, biltzar, biltzarre, bilera... Zenbat hitz jator ez
ote ditu euskarak gaztelaniazko "asamblea" adierazteko? Beraz, zer dela
eta "asanblada"?
Halaxe da. Gaztelaniazko "asamblea" oraintsu arte ez dugu inoiz "asanblada"
esan, eta aurrerantzean ere ez dago esan beharrik. Eta erabiltzekotan
ere, soil-soilik Frantziako legebiltzarra izendatzeko erabil dezakegu
"asanblea" edo "asanblada".
Beraz, "asanblean
arrazakeriaren aurkako ekintzak eztabaidatuko ditugu"
esan ordez?
"Biltzarrean arrazakeriaren aurkako ekintzak eztabaidatuko ditugu".
"Langileek
asanblea egingo dute" esan beharrean?
"Langileek batzarra egingo dute".
Eta "Aurrezki
Kutxak urteko asanblada egingo du datorren hilean"
esan ordez?
"Aurrezki
Kutxak urteko biltzarra egingo du datorren hilean".
