Edozein hizkuntzak bezala, euskarak ere konparazioa erabili ohi du,
sarritan, pertsona edo gauza bat zer-nolakoa den adierazteko. Oso baliabide
emankorra dugu hori.
Halaxe da. Irratsaio honetan bertan, gutxienez, bi behintzat aipatu
ditugu. Gogoratuko dituzue: "baratxuria baino finagoa" izan zen bata
eta "umea harria baino gogorragoa" bestea.
Bada, ildo beretik, hirugarren esapide bat aipatuko dugu gaur: "papera
baino meheagoa"; edo, hori baino zehatzago, oraindik: "zigarro-papera
baino meheagoa". Garbi legoke nori zuzentzeko, ezta?
Bada, bai. Oso mehea edo argala den norbaiti, bistan denez; horrelakoarekin
konpara baitaiteke paperaren lodiera.
Beraz, kiloak gorabehera, nola adierazi pertsona bat mehea dela?
"Papera baino meheagoa esango dugu".
