Badaezpadako esaldi bat gaurko ariketan. Hau da, duda-mudako zerbait
jakin, edota nondik edo handik zerbaiten berri izan, eta, ondoren, fidagarritasun
gutxirekin jakinarazi ohi dugun uste edo iritzia agertzeko erabili ohi
duguna: "erositako prezioan saldu"
Argi dago esaldi horretaz baliatzean ez dugula geuk ziurtasun osoz jakin
badakigun zerbait jakinarazi nahi, baizik eta susmo artean helarazi
zaigun edo guk halaxe entzun ahal izan dugun zerbait. Alegia, geure
duda-mudaren ondorio litzateke esaldi hori: "erositako prezioan saldu".
Adibide bat jarriz ulertuko dugu denok. Demagun bi lagunen arteko elkarrizketa
hau:
"Datorren astetik aurrera gasolina erdi-prezioan jarriko omen da".
"Ez da egia izango!".
"Aizu, nik erositako prezioan saldu dizut".
