Jatorra baino jatorragoa euskaldun batentzat "alde ederra dago" esapidea,
bi gauzen artean dagoen tartea, ezberdintasuna edota diferentzia adierazteko.
Baina azken bi hitz hauek ere ez dira erabat baztertzekoak.
Halaxe da. Argi dezagun hobetsi beharreko esaldia horixe dela, "alde
ederra dago batetik bestera", baina, hori esanik, onartzeko modukoak
ditugu, baita ere, beste esaldiok: "diferentzia ederra dago batetik
bestera", edota, hori bezalaxe, era berean, "desberdintasun edo ezberdintasun
ederra dago batetik bestera".
Hortaz, "alde ederra dago" esapidea
erabiltzen ahaleginduko gara.
