Zer egin daiteke alferrikako maileguak erabiltzeagatik? "Tortazo
bat eman"?
Bada, egia esan, hori ere egin liteke, baina, gure kasuan, hobe izango
dugu, gaztelaniazko mailegu txar horren ordez, euskarazko hitz eta esaldi
jatorren zerrenda aurkeztea.
Aukerarik badela, behintzat, esan behar! Adibidez, hortxe dauzkagu "jo",
"egurra eman"
edo "berotu"
aditzak. Esate baterako, "nik Mikel jo dut", "haiek egurra eman digute"
edo "auzoko umeek ederki berotu zioten bizkarra".
Horra hor aukera. Baina,
horrez gain, kolpea zehazki non jotzen den edo zerekin jotzen den ere
har dezakegu kontuan. Adibidez, nola esango genuke masailean joz gero?
"Masailekoa
jo", "masailekoa
eman" edo "masailekoa
hartu" esan dezakegu; baita "zaplaztekoa
jo, eman edo hartu" ere.
Eta kolpe hori muturrean izanez gero?
"Muturrekoa
jo, eman edo hartu"; baita "muturrak
hautsi" ere.
Azkenik, nola esan oinaz jotzen bada?
"Ostiko
bat jo, edo eman", edo "ostikoz
jo" esan dezakegu. Eta, bestalde, hortxe
dugu zartakoa; adibidez, "zartako
ederra eman dio pilotariak".
