"Popa" eta "branka" esanez izendatzen ditugu itsasontziaren bi muturrak.
Popa edo txopa atzeko aldea, eta aurrekoa, berriz, branka. Baina, bigarren
adiera bat ere eman ohi diogu "popa" hitzari, ipurtaldearekin zerikusirik
duena, alegia.
Eta hortik sortzen dira, adibidez, "popan ostiko bat joko dizut" esaldia,
edo "popaldia", ipurtaldea esateko, edo, baita ere, "popandia", ipurtandia
adierazteko.
Hala ere, gaur egun badakigu esanahi guztiz iraingarria nagusitu dela,
atzetik hartzearena, alegia, garai batean labatiba hartzeko edo emateko
erabiltzen zen modua kontuan hartuta.
Beraz, "zoaz popatik hartzera" esan ohi dugu gaur, norbaitekikoak
egin ditugula adierazi nahi dugunean. Eta, esanahi berean, baita beste
esaldiok ere: "zoaz pikutara", edo "zoaz antzarak ferratzera".
