Jende askok nahasten ditu biak, udala eta udaletxea, eta ez dira gauza
bera.
"Udala" estatuaren administrazio-mailarik beherena da, udalerri bat
administratzeko alkateak, zinegotziek eta abarrek osatzen duten giza
talde edo multzoa, alegia; eta hortik eratorritako hitzak dira "udalbatza",
"udalerri", "udaltzain" eta baita "udaletxe" bera ere.
Baina, jakina, azken hitz honek adierazten duen bezala, "udaletxea"
edo "herriko etxea" eraikin bat da, udal-administrazioaren zerbitzuak
eta bulegoak biltzen dituen eraikina, hain zuzen ere.
Hortaz, ez esan "Barakaldoko
udaletxeko alkatea", baizik eta "Barakaldoko
udaleko alkatea".
Ez esan "udaletxeak
erabaki du",
baizik eta "udalak
erabaki du".
Eta ez esan "udaletxeak
erosi ditu lur horiek", baizik eta "udalak
erosi ditu lur horiek".
