"Delarik"
moduko adizkiak ez dira beti zuzen erabiltzen. Aipa dezagun gaur, adibidez,
erdal gerundioaren eraginak sortzen duen okerra.
Batzuek
erdarazko egituraren kalko moduan "–larik" forma erabiltzen
dute. Baina ez dira ohartzen "–ela(rik)" denborazko egoeratan
erabiltzea dela egokiena. Hau da, "korrika zihoala, belarritakoa
erori zitzaion"; edo "kalean geundelarik, alkatea agertu zen";
eta, Iparraldeko euskaldunek esaten duten moldea erabiliz, "lan-hitzarmena
izenpetu zutelarik, greba egiteari utzi zioten". Beraz, ohar gaitezen
"–ela" edo "–larik" formak "noiz" galderari
erantzuteko erabiltzen direla, batez ere.
Esanak
esan, honatx ariketa. Ez esan "bihar
hasiko da zinemaldia, lau egunez luzatuko delarik",
baizik eta...
"Zinemaldia
bihar hasiko da, eta bost egun iraungo du".
Ez
esan "Bartzelonak
3 eta 1 galdu zuen, bigarren jartzen delarik",
baizik eta...
"Bartzelonak
3 eta 1 galdu zuen, eta bigarren dago dagoeneko".
