Gozoegiak
ez izan arren, bereiz ditzagun hiru aditz hauen adierak. "Akabatu"
aditza, adibidez.
"Akabatu"
animalia akabatzen da, bai bere kasa eta bai norbaitek hiltzen duenean.
Adibidez, "sugea
harrika akabatu dugu", edo "ardia
leize-zulora erori, eta akabatu egin da".
Har
dezagun bigarrena, "hil" aditza.
Pertsona
da hiltzen dena, istripuz nahiz ohean. Baina, "suizidatzeari",
adibidez, "bere
buruaz beste egitea" esaten diogu
euskaraz: "leihotik bota eta bere buruaz beste egin du". Dena
dela, guztiz haserre edo berotuta gabiltzanetan "jo
eta akabatu egingo haut" ere esaten
dugu.
Esate
hutsean geratzea hobe! Aipa dezagun, azkenik, "erail"
aditza.
Jakina,
askotan "hil" aditzak ez digu osoki balio, gaztelaniazko "asesinar"
esateko, adibidez, eta orduan "erail" esaten dugu, baina,
beti ere, ondo bereiziz. Ez da gauza bera "espetxean
hil", edota "espetxean
erail".
