Askotan
salatu dugun gaitza da gaztelaniazko hitzen alferrikako edo debaldeko
erabilera. Ikus dezagun gaur "enterar" edo "enterarse"
aditzen adibidearekin.
Bi
aditz horien kalkoa eginez, "enteratu
naiz" esan ohi dute euskaldun askok:
"enteratu naiz gaixorik
egon zarela","enteratu
naiz alaba ezkondu egin zaizula"…etab.
"Jakin"
aditza erabiltzea aski, baina "enteratu" gora eta "enteratu"
behera! Nola esan beharko genuke euskara jatorrean?
Bada,
ezin argiago eta garbiago: "jakin
dut gaixorik egon zarela", eta,
baita ere, "jakin
dut alaba ezkondu egin zaizula".
