Batzuk
beti berandu iristen dira edonora, eta beste batzuk "beranduago".
Baina, kasu esaldi honi: "Martxel bederatzietan etorri zen, eta
Maddalen hamar minutu beranduago". Onartuko al genuke esaldi hau?
Egia
esan, ez dirudi oso egokia tradizioaren arabera. Euskal testuetan oinarrituko
bagina, "hamar minutu(z) geroago" edo "handik hamar minutura"
esango genuke. Eta, era berean, "lehenago edo geroago" esango
genuke, eta ez "lehenago edo beranduago".
Hortaz,
ariketa batez oker-zuzenketa. "Joxe
puntu-puntuan heldu da", eta "Koro 15 minutu beranduago"
esan beharrean?
"Joxe
puntu-puntuan heldu da, eta Koro 15 minutu geroago".
Ez
eta ere ez esan "iaz
garaiz abiatu ginen, eta aurten bi ordu beranduago"…
Horren
ordez, "iaz
garaiz abiatu ginen, eta aurten bi ordu geroago" izango
litzateke esaldi zuzena.
Eta
amaitzeko, ez esan "Olatz
orain garaiz iristen da lantokira, baina lehen 15 minutu beranduago",
baizik eta...
"Olatz
orain garaiz iristen da lantokira, baina lehen 15 minutu geroago".
