Zer
zuhaitzen abarrak izan ote daitezke? Abarra zuhaitz edo zuhaixken adarrari,
hau da, adaxkari esaten zaiola jakinda ere, zer esan dezakegu "eta
abar, eta abar" esamoldeari buruz?
Bistan
da "eta gainerakoak", edo gaztelaniazko "etcétera"
esamoldearen ordaina dela. Baina, zenbaitek,
gaztelaniazko kalkoa eginez, "eta
abar luze bat" esan ohi du. Eta,
jakina, hori Iparraldeko euskaldunek ez dute ulertzen; beraz, horren
ordez hobe dugu "eta
abar eta abar" edo, baita ere,
"eta beste asko",
bi esamolde horiek erabiltzea.
Beraz,
"egun
hartan bixente, jon, alvaro eta abar luze bat elkartu ginen"
esan beharrean…
"Egun
hartan Bixente, Jon, Alvaro eta abar eta abar elkartu ginen",
edo, nahiago bada, "Bixente,
Jon, Alvaro eta beste asko elkartu ginen".
