Zalantza
baten argitan, "baso bat ur" ala "ur baso bat"?
Ez
dira gauza bera. "Baso bat ur" esaten badugu, ura azpimarratzen
da; hau da, urez betetako baso bat. Horrelakoetan, lehenbizi kantitatea
aipatzen dugu, eta, gero, jeneroa; hau da, "dozena bat arrautza",
"basokada bat olio" edo "sei kilo kafe" esaten dugunean
bezalaxe.
Bestalde, "ur baso bat"
esaten badugu, ura edateko basoa dela adierazten dugu, hau da, basoaren
nolakoa.
Argi
ditzagun gauzak zehaztasun gehiagoz. "Kamioika bat esne edango
luke" esaten badugu, zer adierazten dugu?
Bada,
kamioi bat bete esne edango lukeela, hau da, kantitatea adierazten dugu.
Eta
"esne-kamioi bat irauli da" esaten badugu?
Bada,
iraulitako kamioi hori esnea eramateko horietakoa dela, eta ez porlana
edo egurra eramatekoa, adibidez.
Eta
"botila bat txanpain edan du" esanda?
Bada,
lehengo adibidean bezalaxe, botila bat bete txanpain edan duela; beraz,
kantitatea.
Eta
"txanpain-botila bat puskatu dio buruan"?
Kontu
horretan garbi dago botilaren nolakoa azpimarratzen dugula; hau da,
txanpain-botila dela, eta ez sagardoa edo esnea duena.
