Mugagabearen
erabilerak euskaraz duen lege bat aurkeztu nahi genuke gaur. Har ditzagun
lau adibide, eta ohar gaitezen predikatua mugagabean doala beti. Ohar,
mesedez, "neskame", "alkate", "urre" eta
"etsai" predikatuetan.
Bat:
"etxeko alaba neskame joan da"
Bi:
"gazteena hautatu dute alkate"
Hiru:
"ikatza urre bihurtu zuen"
Lau:
"adiskidea etsai bihurtu zaio"
"Bihurtu"
aditzarekin eta oker-zuzenketa bidez azpimarratuko dugu mugagabearen
erabileraz esan nahi duguna. Ez esan "ikatza
urrean bihurtu zuen", baizik eta...
"Ikatza
urre bihurtu zuen".
Ez
esan "piztia
gizonan bihurtu zuen", baizik eta...
"Piztia
gizon bihurtu zuen".
Eta,
amaitzeko, "ura
ardoan bihurtu zuen" esan beharrean...
"Ura
ardo bihurtu zuen".
