Bi
hitz horien artean badira kontuan hartzeko hainbat ñabardura.
Biak dira denborazko aditzondo, baina, esanahi ezberdina dutenez, egoeraren
arabera aukeratu beharko dugu bata ala bestea.
Halaxe
da. "honezkero" esapideak ziurtasunik eza adierazten
du, hiztunaren ustea edo hipotesia. Adibidez: "honezkero Parisen
izango da". Beraz, esaldi horren bidez susmoa adierazten dugu.
Jakin ez dakigu han den ala ez, baina hori uste dugu, ia ziurtasun osoz.
Aipa
dezagun bigarrena: "dagoeneko".
"Dagoeneko"
esapideak aurkakoa adierazten du; hau da, ikusitako edo egiaztatutako
gauzak aipatzen dira. Horregatik, gertatu eta egiaztatua dagoen gauza
bati buruz ari garela, "dagoeneko" erabili behar da, eta ez
"honezkero".
Hortaz,
ondo esango al genuke "honezkero
jaiki zara, e!"?
Bada
ez; "dagoeneko
jaiki zara, e!" esan beharko genuke.
"Nolatan
ari zara zu honezkero lanean?"...
Ez
dago ondo. "Nolatan
ari zara zu dagoeneko lanean?".
Eta,
amaitzeko, "dagoeneko
esnatuko zen!"...
Ez.
"Honezkero
esnatuko zen!".
