Zalantza
bat gaur argitzeko: "etxez aldatuko gara" ala "etxez
aldatuko dugu"?
Askotan
erabiltzen da "aldatu" aditza etxe, leku, arropa eta gisa
honetako hitzekin. Joera nagusia, aldatu beharrekoa norbera edo beste
norbait denean, "-z" atzizkia eta "izan" aditz laguntzailea
erabiltzea da. Horrela, bada, "etxez
aldatuko gara" izango litzateke
erantzun zuzena, etxe batetik beste batera aldatu edo joango garela
adierazteko.
Eta
aldatu beharrekoa zerbait baldin bada?
Bada,
zerbait tokiz aldatu edo beste leku batean jarriko dugula adierazteko,
"-z" atzizkia eta "ukan" aditz laguntzailea erabiliko
ditugu. Adibidez: "liburuak
tokiz aldatuko ditugu".
Eta, azkenik, zuzenak dira, baita ere,
bi esaldiok: "iritziz
aldatzen baduzu, esadazu", edo
"aldizkari horrek
jabez aldatu du".
