"Erori" edo "jausi". Denok dakigu "erortzea"
edo "jaustea", lurrera erakarria delako edo oreka galdu duelako,
zerbait bere pisuak eraginik beherantz joatea dela. Baina, asmakizunetan-eta,
esan al dezakegu "ez naiz erortzen"?
Betiko
arazoaren aurrean gaude. Gaztelaniazko "no caigo quien es"
edo "no caigo en la cuenta" esateko erabiltzen dute batzuek
"erori" aditza. Jakina, euskara gaiztoa da hori. Euskaraz
txukun hitz egitekotan, aski dugu "konturatu", "asmatu"
edo "jakin" esatea.
Hortaz,
"Beatriz
ez zen erortzen zein zen" esaldia
zuzendu nahiko bagenu...
"Beatriz
ez zen konturatzen zein zen".
"Aita
ez zen erortzen nortaz ari zitzaion semea"...
"Aitak
ez zekien nortaz ari zitzaion semea".
Eta,
azkenik, "ez
zara erortzen?" galdetu ordez...
"Ez
dakizu?".
