Euskaldun
batzuek nahasi egiten dituzte "jan nahi dut" eta "jatea
nahi dut" egiturak. Bereiziko al genituzke?
Bada,
bai, bi mezu adierazten ari garelako bereizi ere! Batetik, zerbait egin
nahi duena eta nahi hori bete behar duena pertsona bat bera denean,
aditzaren partizipioa erabiltzen dugu. Adibidez: "ogitartekoa ‘jan’
nahi dut" edo "orain guk ‘hitz egin’ nahi dugu". Bi esaldiotan
esku-hartzaile bakarra dago: ni naiz nahi duena, eta ni naiz jaten ahaleginduko
naizena; beraz, aditzaren partizipioa erabiliko dugu: "jan"
eta "hitz egin".
Azter
dezagun, orduan, esaldian bi esku-hartzaile daudeneko kasua. Esaterako:
"zuek zintzo ‘ibiltzea’ nahi dut" edo "lagunak etxera
‘etortzea’ nahi dugu"…
Bi
esaldi horietan, zerbait egin nahi duena eta nahi hori bete behar duena
ez dira pertsona bera: nik nahi dut, baina nire nahia zuek zintzo ibiltzea
edo lagunak etxera etortzea da; alegia, nik ez dut zintzo ibili behar
edo etxera etorri behar, baizik eta zuek ibili beharko duzue ondo edo
lagunek etorri beharko dute etxera. Beraz, bi adibide horietan aditza
izen bihurtuta emango dugu, "ibiltzea" eta "etortzea":
"zuek zintzo ibiltzea nahi dut" eta "lagunak etxera etortzea
nahi dugu".
