Euskal
testuetako hitzen ordenaz eta esaldiaren egituraz jabetzeko izan daiteke
gaurko ariketa. Alegia, gero eta gehiagotan entzuten ditugun esaldiak
dira: "hau da ona", "hau dago ondo", "hau da
handia", "hau da hori", etab. Ezin esango dugu, berez,
gaizki daudenik, baina…
Halaxe
da, esaldiok, testuingurua jakin gabe, ezin esan gaizki daudenik. Baina,
beti gaztelaniaren "esto es..." egituraren kalko okerra egiten
bada, gehiegikeriaz erabiltzen baldin bada, orduan, bai; orduan, egitura
hori egoki erabili behar dugula pentsatu beharko dugu.
Beraz,
bereiz ditzagun "hau da ona" eta "hau ona da"
Garbi
legoke bereizketa hori, ahozkoan doinuak ere lagundu egiten baitu. Era
berean, ez dira gauza bera "kamioia da handia" (ez "autoa")
eta "kamioia handia da" (ez "txikia").
Eta,
azkenik, bereiz ditzagun "jolas hau dago ondo" eta "jolas
hau ondo dago"
Lehenengoa
esaten badugu, hau da, "jolas hau dago ondo", "jolas
hau" eta ez "jolas hori" dagoela ondo esaten ari gara.
Eta bigarrenean, berriz, ("jolas hau ondo dago") jolas hau
"ondo" dagoela, eta ez "gaizki".
