"Arazo nagusia"

 

 Ala arazo nagusiena? Biak entzuten baitira…

 "Nagusi" hitza, adjektibo gisa, garrantziaren edo gorabeheraren arabera lehena denari eransten zaio. Adibidez "aste nagusia", "meza nagusia", "kale nagusia", etab.

Hori horrela, "nagusiena" esan behar dugun? Bada, ez dago inolako premiarik. "Nagusia", berez da goren mailakoa, bakarra dena, "onena" bezalakoa.

 Hortaz, bazter dezagun "nagusiena"?

 Bazter dezagun bai, eta... "arazorik nagusiena" edo "kezkarik nagusienak" esan ordez, aski dugu "arazo nagusia" eta "kezka nagusiak" esatea.

 

"Arazo nagusia"

"Arazorik nagusiena"