Gorria
kolore baten izena da, ondo dakizuen bezala. Odola, mitxoleta edo lo-belarra
edota Nafarroako ardoa..., bada, gorriak dira, kolore gorrikoak. Baina,
bestelako adiera bat ere badu "gorri" hitzak.
Bada,
bai, bigarren adiera, esango genuke, hau da, zerbait guztiz larria edo
handia dela adierazteko erabiltzen duguna. Adibidez: "gose gorria",
"gorriak ikusi edo gorriak igaro", "negu gorrian",
"kale gorrian" etab.
Beraz,
zertan ibili "moreak
pasa ditugu" esanez...
Halaxe
da. Euskara jatorrean "gorriak
ikusi ditugu" esan beharko genuke,
honetan ere euskararen bidea eta erdararena ez baitatoz bat.
Alegia,
ez ditzagula koloreak alferrik nahastu, hizkuntza bakoitzak bere-bereak
ditu eta...
Jakina!
Zenbaitetan gaztelaniak "morea" erabiltzen duenean, euskarak
"gorria" erabiltzen du: "aurtengo negu gorria" edota
Sudango biztanleen "gose gorria".
