Euskaraz
hitz egiten dugunean, hitzetik hortzera erabiltzen ditugu graduatzaileak,
behar ahalean, eta horien artean "hobea" eta "hobeto".
Baina, graduatzaileen aplikazioan, badira "on" izenondoarekin
eta "ondo" aditzondoarekin eginiko salbuespenak.
Ondo
esana. Salbuespenak! Alegia, "on" hartzen badugu, "hobea"
eta ez "hobeagoa" esanez egingo dugu konparazioa; "onena"
edo "hoberena" esanez gehienekoa eta "onegia" esanez
gehiegikoa. Hori batetik.
"Ondo" hartzen badugu, berriz,
konparazioa egiteko, "hobeto" esango dugu; gehienekoa "ondoen"
esanez, eta, azkenik, gehiegikoa "ondoegi" esanda.
Dena dela, ohar bat egin beharko genuke "hobea" eta "hobeto"
ondo bereizteko.
Bada,
bai. "Hobea" izenondoa da, hau da, "nolakoa"
galderaren erantzuna; eta "hobeto", aldiz, aditzondoa, eta,
beraz, "nola" galderaren erantzuna.
Beraz,
ariketa bat eginez: "zure
autoa nirea baino hobeto da" esan
ordez…
"Zure
autoa nirea baino hobea da"
Eta
"guk
zuek baino hobe idazten dugu" esan
beharrean…
"Guk
zuek baino hobeto idazten dugu".
