Amaitu
dezagun esaldia: "urrutiko intxaurrak hamalau, gerturatu eta
lau!". Zer esan nahi dugu esaldi honekin?…edota, zer adierazi
nahirik erabil dezakegu esaldi hau?
Denok
aitortu izan diogu inoiz elkarri…auzoko gauza edota pertsonek etxekoek
baino fama hobea edo sona handiagoa izan ohi dutela askotan.
Nahiz
eta sarritan kontua besterik izan, ezta?
Bada,
bai; halaxe da hori. Mila adibide jar daitezke, baina funtsean kontua
hori da: etxekoa baino kanpokoa hobea; alegia, "etxekoak batere
ez du balio, baina zeinen ederra etxez kanpoko hori!". Bada, kasu
horietan erabil dezakegu esaldi hori, hau da, nolabait esateko, nire
usteak ustel gertatu direnean: "urrutiko
intxaurrak hamalau, gerturatu eta lau".
Eta…bada horren antzeko beste bat ere,
eta, jakina, zentzu berekoa: "urruneko
eltzea urrez, gerturatu orduko lurrez".
