"Usteak erdia ustel"

 

 Uste izatearen eta beldur izatearen arteko nahastea argitzen saiatu ginen atzo. Gaur, berriz, euskal esaera zahar bat hartuko dugu gogoeta-gai: "usteak erdia ustel" esaera. Noiz erabili dezakegu esaera hau?

 Adibide batekin ikus dezakegu ondoen. Demagun bidaia bat egiteko ez dakigula ziur zein ordutako trena hartu behar dugun. Zer gerta dakiguke? Ba, bi gauza:

• Batetik, txiripaz bada ere, ordutegia asmatzea;
• Edota, bestetik, ustez tren hori harrapatuko dugulakoan, ordu jakin batean geltokira joatea, baina tren hori guk uste baino lehenago joana izatea.

 Zalantzarik gabe, bigarren kasu honetarako balioko digu "usteak erdia ustel" esaerak.

 Jakina. Norbaiti zerbait galdetu ondoren, "uste dut…" esanez hasten bada, eta gero uste hori hala ez gertatu, orduantxe erantzun diezaiokegu "usteak erdia ustel".

 

Uste hutsarekin ez dagoela ezer egiterik adierazteko esaera