Azken
urteotan asko zabaldu den egitura da "aditzaren partizipio burutua
+ asmoz" egitura.
Esaterako: "ama ikusi asmoz joan
nintzen" edo "lana egin asmoz etorri naiz". Ez ote, ordea,
zuzenago "ama ikusteko asmoz" esatea?
Bada,
horixe da autore gehienek egin izan duten erabilera. Autore gehienek
"-teko" edo "-tzeko
asmoz", edo "asmoan",
edo "asmoarekin",
etab. idatzi dute.
Hortaz, Euskaltzaindiaren araua ere horixe bera?
Bada,
bai!: "ikusi
asmoz" eta kidekoak erabili ordez,
"ikusteko asmoz"
eta kidekoak erabili behar direla esaten du Euskaltzaindiaren arauak.
Beraz, "lana
egin asmoz etorri", "eztabaidatu asmoz hurbildu"
edo "dirua irabazi
asmoz joan" erabili ordez...
"Lana
egiteko asmoz etorri", "eztabaidatzeko asmoz hurbildu"
eta "dirua irabazteko
asmoz joan". Hori da euskara zuzena.
