"-Ki"
atzizkiaren gehiegizko erabilera bat salatu nahi dugu gaur. Adibidez,
zergatik esan "lasaiki", "lasai" esan ordez?
Euskalki
guztietan erabili den "-ki" atzizkia gaztelaniazko "-mente"
bukaera duten adizlagunen antzekoa da, nahiz eta beste adiera batzuk
ere hartzen dituen. Bestalde, bizkaieraz, batik bat, "-to"
eta "-do" atzizkiak ere erabiltzen dira. Adibidez: "ederto"
eta "polito".
Hori esanik, ordea, ez dago inolako arrazoirik
"lasaiki"
erabiltzeko, euskaraz "lasai"
esan baita beti.
Kontu
horietan, hona hemen oker-zuzenketa bat. "Legalki
horrela da" esan ordez…
"Legez
horrela da".
"Gogorki
erantzun dio"…
"Gogor
erantzun dio" nahikoa da.
"Normalki
ez digute ezer esaten"...
Hobeto
"normalean
ez digute ezer esaten".
