"Ezkero"

 

 Ez da buruhauste gutxien ematen duena "ezkero" posposizioa. Idazteko orduan esan nahi dut.

 Jakina denez, hiru esaldi-mota egiteko erabiltzen dugu euskaraz "ezkero" posposizioa:

• Batetik, baldintzazko perpasuak egiteko.
• Bestetik, kausalak egiteko.
• Eta, azkenik, denbora-perpasuak egiteko.

 Hiru esaldi-mota, beraz, "ezkero" erabiltzeko. Baina, nola idatzi? Zer dio Euskaltzaindiak?

 Hiru ohar egin ditu Euskaltzaindiak.

• Batetik, kasu guztietan "-z gero" idatziko da, bereizita: "hori eginez gero", "hori egin duzunez gero", etab.
• Baina, bigarren, orduekin eta, oro har, denbora-posposizio gisa "ezkero" ere idatz daiteke, dena lotuta. Beraz, bi modutara: "hamarrez gero" edo "hamarrak ezkero".
• Eta, azkenik, hirugarren, aditzondoak lotuta idatziko dira, horrelaxe erabili direlako euskararen literatur tradizioan; hau da, "honezkero", "horrezkero" eta "harrezkero"; aditzondoak lotuta.

 

"Honezkero"

"Honez gero"