Funtsezkoa
da "bera" eta "berdina" bereiztea,
bi gauza ezberdin esaten ari baikara.
Bada,
bai, dudarik gabe! Adibidez: "Joseba eta Luis etxe berean bizi
dira" esaten badugu, kasu honetan etxe bat besterik ez dago.
Eta, horregatik, gauza bera litzateke
esatea "Joseba eta Luis etxe batean bizi dira". Baina, jakina,
oker legokeena zera da: "etxe
berdinean" bizi direla esatea.
Beraz,
garbi dago gaztelaniaz "la misma casa" esaten delako sortzen
dela euskaraz "berdina" eta "bera" ez bereizte hori.
Hortaz, ariketa moduan, ez esan "egun
berdinean joan ziren oporretara",
baizik eta...
"Egun
berean joan ziren oporretara".
Ezta
ere, ez esan "eskola
berdinean daude", baizik eta...
"Eskola
berean daude".
Edo,
azken adibide gisa, ez esan "etxe
berdineko seme-alabak gara", "ordu berdinean joango gara"
edo "irakasle berdina
dute". Oker horiek zuzenduz, esan
dezagun...
"Etxe
bereko seme-alabak gara", "ordu berean joango gara"
eta "irakasle bera
dute".
