Partitiboaz
hitz egin behar dugu gaur, bai baita honetan erdal interferentzien eragin
txiki bat.
Bada
bai interferentziarik! Batetik, hitzei partitiboaren marka lotzen zaienean
(hau da, "ez dugu lanik egin" esaldian) "–ik" forma
mugagabea erabili behar dugu.
Alegia,
ez dela esan behar "ez
dugu lanarik egin" baizik eta "ez
dugu lanik egin". Hori batetik.
Eta,
bestetik, aditza beti singularrean erabili behar dugula. Ez esan "ez
ditugu lanik egin", baizik eta
"ez dugu lanik egin".
Beraz,
ikus dezagun zein den Euskaltzaindiaren erabakia.
Erabil
bedi partitiboa euskaraz —esaten du Euskaltzaindiak—, beti erabili den
gisa; hau da, artikulurik gabe (lagunik, lanik, ahuntzik, etab.) eta,
bestetik, aditza singularran daramala (dugu, dute, genuen, etab.).
Egin
dezagun ariketatxo bat. "Ez
daude gailetak"...
Gaizki!:
"ez dago
gailetarik".
"Baduzu ardoa?"...
Hori
ere ez da zuzena: "ba
(al) duzu ardorik?".
"Burua ez duenak ezin txapela eraman"...
Ez,
bada!: "bururik
ez duenak ezin txapelik eraman".
