"Eman"
aditzak adiera bat baino gehiago ditu, baina esan dezagun ez duela inoiz
"gertatu" aditzaren esanahirik. Hau da, lehenik eta
behin, berezko esanahia geneukake.
Horixe,
ematea. Adibidez: "musu bat eman", "eskua eman",
"laguntza eman"…
Bigarren.
"Igaro" edo "pasatu" aditzen esanahia ere badu.
Bai.
"Bi ordu eman zituen", bi ordu pasa edo igaro zituela esateko.
Bestetik,
"amore eman" aditzaren esanahia ere har lezake.
Baita
ere, "oinetakoek eman egiten dute".
Zer
gehiago? "Irudi" aditzaren esanahia: "tuntuna ematen
du askotan".
Edo
"zaletasuna" adierazteko ere erabil daiteke: "ardoari
emana dago", hau da, "ardozalea da".
Eta
horiekin batera: "aditzera eman", "amore eman",
"ontzat eman", "gogoak eman", "kontu eman",
etab. Baina, hasierako oharrera gatoz: "Eman" aditzak
ez duela "gertatu" aditzaren esanahirik.
Horixe
izan behar da kontuan. Alegia, ez esan "arazo
hori gure artean ematen da", baizik
eta "arazo hori
gure artean gertatzen da".
Beraz,
ez eta ere, "kasu
hori Tafallan eman da", baizik
eta…
"Kasu
hori Tafallan gertatu da".
Eta,
amaitzeko, ez esan "arazoak
eman dira", baizik eta...
"Arazoak
izan dira".
