Idazkeragatik
aipatzen dugu. Nola idatzi behar da "non-nahi"? Hitz
bakar bat bezala, dena lotuta, marratxoa erabiliz...?
Oro
har, galdetzaile batez ("nor", "zein", "non",
etab.) eta "nahi" partikulaz osaturiko esapideak hitz bakar
batean eta lotuta idatziko ditugu. Adibidez, "nornahi"…
Adibide
batzuetan ikusiko dugu garbi. Nola idatziko dugu "zernahi"?
Zer
+ nahi: "zernahi",
dena lotuta!
Eta
"nolanahi" edo "noranahi"?
Gauza
bera: "nola" edo "nora" + "nahi", hitz
bakarra; "nolanahi"
edo "noranahi",
dena lotuta.
Aipa
dezagun, ordea, n,t edo k-z bukatzen den galdetzailearen kasua, salbuespena.
Nola idatzi "non-nahi"?
Bi
modutara idatz dezakegu:
- "Non-nahi",
bi hitzak oso-osorik eta marratxo batez lotuta, edo
- "Nonahi",
marratxorik gabe lotuta, baina "n" bakar batez.
