Partikula
hau aditzari lotuta agertzen da beti, bereiz idaztea azken 25 urteotako
kontua baita. Dena dela, aditzari lotzean gertatzen diren aldaketengatik
aipatu nahi dugu gaur hemen.
Halaxe
da. "Bait-" partikula aditzari lotzean gertatzen diren aldaketak
dira lotuta idazteari hainbatek ikusten dion eragozpenik larriena. Baina
lotura-legeok ez dira batere zailak.
Bada,
ikus ditzagun. Bait- + n, nola esango dugu?
"Bainator",
"bainaiz" edo "bainenbilen".
Bait
+ h: nola esan?
"Baihator",
"baihaut", "baihaiz"…
Bait
+ d?
"Baita",
"baitugu", "baitabiltza"...
Bait
+ g?
"Baikaude",
"baikara", "baikoaz"...
Bait
+ z?
"Baitzarete",
"baitzen", "baitzuen"…
Eta
azkenik, bait + l?
"Bailetor",
"bailuke" edo "bailitzateke"...
Hortaz,
Euskaltzaindiaren erabakiaren arabera, idatzi ere ahoskatzen den eran
egin behar da.
Horixe
bera! Zehatzago esateko, "bait-" partikula, kasu guztietan, aditzari
atxikia idatzi behar da, eta ez berezita: "bainaiz",
"baikara",
"baitoaz",
etab.
