Izen-bikoteekin
jarraitzen dugu. Aurreko txandan genioen bezala, jeneralean, genero-bereizketarik
gabe erabiltzen ditugu hitz gehienak, sexua bereizi gabe; alegia, "kirolari",
"ume", "saltzaile"… Baina, zer gertatzen da izenondo edo adjektiboekin?
Bada,
gauza arraro gutxi. Izenondo edo adjektiboek ere ez dute euskaraz genero
gramatikalik, nahiz eta inguruko erdaren eraginez gutxi batzuk baditugun:
"tontoa/tuntuna", "gizajoa/gajoa"... etab.
Baina, beharbada, adibide batzuk ikustea ez letorke gaizki. "Mirenek
txotxola-aurpegia jartzen du" esango banu?
Bada,
ez legoke ondo esaldi hori. "Mirenek
txotxolo-aurpegia jartzen du" esan beharko
genuke.
Beste
adibide bat: "musika
klasika dut gustuko"!...
Ez,
horrela ez, baizik eta "musika
klasikoa dut gustuko" esatea hobe.
"Ixabel
tonta bat da"...
Ez.
"Ixabel tuntuna da".
"Andre histerika bat"...
Ez.
"Andre histeriko bat".
Eta,
azkenekoa: "gure ama
oso kulta da"...
Bada,
hori ere ez!: "gure ama
oso kultua da", edo nahi baduzu, "oso
jantzia da".
