Ordu
osoak adierazten ez dago zailtasunik:
"ordu
bata" (bi hitzetan bereizita), "ordu
biak" (hau ere bi hitzetan bereizita),
"hirurak",
"laurak",
"seiak",
"zazpiak",
etab.
Bai,
eta "ordu" hitzaren ordez, "oren" ere erabil daiteke, Iparraldekoen
modura: "oren
bata", "bi
orenak" edo "biak",
"hirurak",
etab.
Zer
gertatzen da, ordea, "t’ erdi" hitzarekin?
"T’
erdi" esapidea baztertu egin da. Beraz, "ordu
bat eta erdiak" idatzi behar da, eta,
era berean, "ordu bi
eta erdiak",
"hiru eta erdiak",
"hiru eta erdietan", etab.
Gauza bera "oren" hitzarekin, jakina:
"oren
bat eta erdiak", edo "oren
bi eta erdiak".
Ikus
ditzagun laurdenak idazteko adibide batzuk:
Horretarako,
bi modu ditugu aukeran. Adibidez:
"Ordu bat eta laurdenak",
edo "ordu bata
eta laurden",
"Lau eta laurdenetan",
edo "laurak
eta laurdenetan",
"Bostak laurden gutxi",
edo "bostak
laurden gutxiago", eta, beraz,
"bostak laurden
gutxitan", edo "bostak
laurden gutxiagotan".
Gaurkoz,
azkenik, minutuak nola adierazi behar diren ikus dezakegu.
Bada,
"hamarrak
hamar gutxi", edo "hamarrak
hamar gutxiago" (bietara erabil daiteke);
eta berdin: "seiak eta
bostean", "laurak eta hogeian", "hirurak eta hemezortzian"...
