Absys-ek kudeatzen du katalogoa eta, bertan, euskarri desberdinetan dauden dokumentuak aurki daitezke: batik bat liburuak, baina baita aldizkariak, bideoak, disketeak, CD-ROMak.. ere.

Liburutegian ditugun aldizkarietan eta liburu konpilatuetan (artikuluz osatutako liburuetan, alegia) dauden artikuluetako informazioak osatzen du ADBD datu-basea. Kapsula softwareak kudeatzen du datu-base dokumentala eta 70.000 artikuluri buruzko oinarrizko informazioa dago bildua bertan: egilea(k), izenburua, zein aldizkari edo liburutan dagoen, aldizkariaren alea, urtea eta orrialdea. Horrez gain, artikuluaren "abstract" edo laburbilduma ere ematen da eta, horrelakorik ezean, artikuluaren lehen orrialdea.

Informazio gehiagorako idatzi hona a-eizmendi@habe.org.

Datu-base honek hiru aukera eskaintzen ditu bilaketak egiteko garaian:

1. Artikuluak bilatu. Egilea, izenburuko hitza(k) eta urtea dira bilaketa egiteko erabili daitezkeen eremuak.
2. Aldizkarien aurkibideak. Kasu honetan, hustu ditugun 160 aldizkarietako ale bakoitzaren aurkibideak kontsulta daitezke.
3. Testu librean bilatu. Lehen aukerako hiru eremuez gain, "abstract" edo laburbildumako edozein hitzen araberako bilaketa egin daiteke.