Gogoratu


 

  • HABEren 1go ETA 2. MAILAKO AZTERKETA EREDUAK

Hemen klikatuta aurkituko dituzu, iazko azterketa idatziekin batera, aurtengo deialdiko azterketa idatziak.

 

  • PREZIO PUBLIKOAK

2005eko martxoaren 23ko EHAAn (  57 zk . ) argitaratu da Kultura sailburuaren 2005eko martxoaren 10eko AGINDUA, HABEk eskaintzen dituen zerbitzuen eta betetzen dituen jardueren prezio publikoak finkatzen dituena.

 

  • BOGA KZguneetan

HABE BOGA gizarteratzeko egiten ari den ahaleginari esker, gero eta erosoago da edozeinentzat euskara ikasteko programa informatiko hori erabiltzea. Ez bakarrik gero eta euskaltegi gehiagok eskaintzen duelako euskara ikasteko aukera hori, baizik eta, gero eta puntu gehiagotan aurki dezakegulako bertarako sarbidea. Horien artean, ahalegin handia egin da euskaltegia dagoen herri guztietan ikasleari BOGA erabiltzeko akzesoa eskaintzen eta, HABE eta KZguneak-en lankidetzari esker, 90 udalerritako KZguneetan eskura izango da BOGA, erabili nahi duten guztientzat. Edozein euskara ikaslek aukera izango du KZguneetan BOGAren bidez ikasteko, baina, aurretik euskaltegiren baten bidez lortu beharko du pasahitza, izan ere, KZguneak sarbidea baino ez dio eskainiko. Giltza euskaltegian lortu beharko du (BOGA eskaintzen duten euskaltegien zerrenda).

 

  • BIGARREN HIZKUNTZA IKASI/IRAKASTEKO BALIABIDEAK SAREAN

Urte gutxitan internet hizkuntzak ikasteko  bitarteko garrantzitsu bihurtu da. Hori horrela, gero eta gehiago dira hizkuntzak sarean ikasteko baliabideak, baina beti ez da erraza bakoitzak behar duen webgune egokia aurkitzea. Esate baterako, edozein bilatzaile erabiliz bilaketa egiten baduzu, berorren emaitza oso ugaria izan daiteke, baina hortxe sortuko zaizu zalantza; denak egokiak al dira? Banan-banan frogatu behar al ditut nahi dudana aurkitu arte? Nola bereiztu kalitatezkoak eta zaborra?.

Horixe da Lingu@net Europak zuregatik egiten duena. Lingu@net-europak hizkuntzak  ikasi/irakasteko baliagarriak izan daitezkeen orriak sailkatuta eskaintzen dizkizu, eta, horrela, bilaketaren emaitza kalitatezko webgunez osaturikoa bermatzen. Bertan, E.E.E.ko 17 hizkuntza ikasi/irakasteko baliabideak aurkituko dituzu, eta, nabigazioa 6 hizkuntzatan egiteko aukera. Oraindik ezin da euskaraz nabigatu, baina bai euskara ikasi/irakasteko baliabideak topatu bertan, beste 17 hizkuntza horiekin batera.

  

  • HIZTEGIA.NET

Artez Euskara Zerbitzuari esker, orain helbide bakar batean euskarazko hiztegi guztiak aurki ditzakezu.